Nakadawat og tag-₱10,000 nga cash gift ang 25 ka kwalipikadong senior citizens isip pag-ila ug pagpasidungog sa ilang mga kontribusyon sa pamilya ug komunidad.
Ang maong pinansyal nga tabang gihatag sa National Commission of Senior Citizens (NCSC) ubos sa Republic Act No. 11982 kun Expanded Centenarians Act, nga nagpalapad sa benepisyo alang sa mga senior citizen nga nakaabot sa edad nga 80, 85, 90, ug 95 anyos.
Gipangulohan ang maong kalihokan ni Regional Director Dr. Cesar A. Adegue IV, uban ni Area Coordinator Jay Ann P. Banoy, RSW. Samtang gilauman nga pinaagi sa maong programa, mas mapalambo ang pag-atiman ug paghatag og angay nga suporta sa mga senior citizen isip pagpasalamat sa ilang mga nahimo alang sa katilingban.
Photo courtesy: LGU Baganga
