Nakig-alayon ang mga personahe sa Bureau of Fire Protection (BFP) Midsayap sa miting bahin sa kaluwasan sa pagpangandam alang sa umaabot nga Sinugba Festival Trade Fair and Food Park 2026.
Gitutokan sa maong miting ang pagpalig-on sa koordinasyon tali sa mga hingtungdang ahensya ug mga hingtungdang sektor aron masiguro ang kaluwasan sa publiko, paglikay sa sunog, ug pagkaandam sa pagtubag sa mga emerhensya atol sa maong kalihokan.
Gipasalig usab sa BFP Midsayap ang padayong paningkamot niini sa pagpasiugda sa kahibalo bahin sa paglikay sa sunog, pagmintinar sa pagkaandam sa mga emerhensya, ug pagpanalipod sa kinabuhi ug kabtangan sa publiko, mga tindero, ug mga bisita sa pista.
Tumong sa maong pagpangandam nga masiguro ang malinawon, hapsay, ug luwas nga pagpahigayon sa Sinugba Festival Trade Fair and Food Park 2026.
Photo courtesy: BFP Midsayap
