Hustisya ang singgit sa pamilya human namatay sa pagpamusil ang barangay kagawad nga si Bayan Patacpan Maganaka ug ang iyang igsoon nga si Ibrahim Patacpan Maganaka, usa ka barangay bookkeeper, sa Barangay Liwliwa, Lower Paatan, Kabacan, pasado alas 1:00 sa kaadlawon niadtong Oktubre 21, 2026.
Base sa imbestigasyon sa kapulisan, nahitabo ang insidente atol sa usa ka disco human sa panaglalis tali sa kagawad ug sa suspek. Nasamdan usab ang usa ka 17-anyos nga menor de edad nga gidala sa ospital ug anaa na sa maayong kahimtang. Narekober sa lugar ang tulo ka basyo sa bala gikan sa kalibre .45 nga armas. Padayon ang hot-pursuit operation sa kapulisan aron madakpan ang suspek.
Samtang, gikondena ni Kabacan Mayor Evangeline Pascua-Guzman ang insidente ug nanawagan alang sa hustisya, kalinaw, ug panaghiusa sa komunidad.
Photo courtesy: PNP Kabacan
