Mokabat sa 739 ka mga solo parents ug persons with disabilities (PWD) sa Mawab, Davao de Oro ang nakadawat og pinansyal nga tabang, diin 174 ang solo parents ug 565 ang PWD.
Nagpasalamat ang mga benepisyaryo kang Cong. Jhong Ceniza tungod sa maong ayuda nga makatabang sa ilang adlaw-adlaw nga panginahanglan, ilabi na sa pag-atiman sa pamilya ug mga anak.
Sumala sa pipila ka benepisyaryo, dako ang ikatabang sa pinansyal nga suporta, samtang ang uban unang higayon nga nakadawat niini.
Kabahin kini sa programa ni Cong. Ceniza alang sa mga solo parents ug PWD, uban sa suporta nila ni Governor Raul Mabanglo, Mawab Mayor Myrill Apit ug Vice Mayor Ramil Medina.
