Gidawat sa Montevista Municipal Police Station ang usa ka homemade 12-gauge improvised shotgun nga boluntaryong gitugyan sa usa ka opisyal sa barangay sa Purok 3, Barangay New Visayas, Montevista, Davao de Oro, mga alas 8:10 sa buntag niadtong Oktubre 23, 2026.
Base sa report, unang gitugyan sa maong opisyal ang armas sa usa ka residente nga wala magpaila sa iyang identidad. Sa pagkakaron, anaa na sa kustodiya sa Montevista Police ang maong armas alang sa tukmang pagdumala niini.
Giawhag sa Davao de Oro Police Provincial Office ang publiko nga boluntaryong itugyan sa mga otoridad ang mga armas nga walay tukmang dokumento aron malikayan ang posibleng paggamit niini sa mga krimen ug mapadayon ang kalinaw ug seguridad sa komunidad.
