Dakpan ang duha ka suspek atol sa pagpatuman sa search warrant sa kapulisan sa Barangay Mangayon, lungsod sa Compostela, Davao de Oro, alas 8:20 sa buntag niadtong Oktubre 23, 2026.
Gipahigayon ang operasyon sa Davao de Oro Police Provincial Office pinaagi sa Provincial Drug Enforcement Unit ug Provincial Intelligence Unit, kauban ang Compostela Municipal Police Station.
Nasakmit sa operasyon ang duha ka heat-sealed plastic sachet nga gituohang adunay shabu, improvised glass tooter nga adunay nahibiling substansiya, digital weighing scale, usa ka kalibre .45 nga pistola, steel magazine ug tulo ka bala.
Gimarkahan ug giimbentaryo ang mga ebidensya diha mismo sa lugar sa operasyon, atubangan sa mga nadakpang suspek ug mga gikinahanglang saksi.
Gipahibalo usab ang mga suspek sa ilang mga katungod sa balaod ug gidala ngadto sa Compostela Municipal Police Station kauban ang mga nasakmit nga ebidensya alang sa hustong pagproseso.
