Upod Na Quema El 2 Casa, Na Insendio Que Ya Ocuri Anoche Octubre 14 Pasada Alas 7 Del Noche En Particular Na Wingo Drive , Barangay San Roque, Donde Ta Duenia Con El Maga Casa Amo Canda Kahong Alkaiser Y Michelle Te, Mientras El Cantidad Valor Del Destroso Base Na Report Del Bumbero Ya Alcansa Na P2.4 Milyones.
Mientrastanto Na Report Ta Aparece, Segun Pa Con El Maga Bisinos Ya Salle Ya Lang Estos Sobre Saltao Donde Derefente Ya Lang Segun Ya Queda Arde El Fuego, Ya Precura Pa Estos Apula Pero Cay Porcausa Echo De Light Materials Ya Man Upod El 3 Casa.
Ademas Insiguidas Tambien Ya Responde El Personajes Del Bfp Des Del Diferentes Fire Sub Station, Y El Insidente Ya Alcansa Na Aca Segundo Alarma, Mientras Este Maga Tiempo El Otoridad Ta Continua Pa Conduci El Mas Del Imbestigasyon Aver Puede Determina El Orihen Del Quema.
