Gibanabanang mikabat sa kapin 40 mil ka indibiwal ang midagsa sa walo ka sementeryo sa dakbayan sa Mandaue gikan Oktubre 30 hangtod Nobyembre 2 alang sa pagsaulog sa Kalag-Kalag.
Bisan pa sa kadaghan sa mga tawo, walay natala nga krimen ang kapulisan sa maong panahon. Hinuon, pipila ka indibidwal ang nasakmitan og mga kutsilyo ug uban pang hait nga mga butang nga gigamit unta sa pagpanglimpyo sa mga lubnganan. Apan nakuha ug gibalik ra kini sa mga tag-iya, gawas sa mga sam-ang nga gikompiskar.
Lakip usab sa mga gikompiskar ang mga lighter, ilimnong makahubog, butane canister ug sigarilyo. Matud ni Gilbert Montecillo, security supervisor sa St. Joseph Parish Roman Catholic Cemetery, bisan pa og dugay ang proseso sa pagsulod, gikinahanglan gihapon ang pag-inspeksyon sa mga bag sa mga mosulod sa sementeryo aron masiguro ang kaluwasan sa publiko.
Photo Courtesy: Mandaue City Public Affairs Office
