Nakadawat pag-usab ang dakbayan sa Iligan sa ikaduhang Seal of Good Education Governance Award nga gipresentar atol sa flag-raising ceremony sa City Government of Iligan, kagahapong adlawa Nobyembre 02, 2026.
Gipasalamatan sa Department of Education (DepEd)-Iligan ang lokal nga panggamhanan, tungod sa padayon nga suporta sa sektor sa edukasyon.
Ang Iligan City mao ang bugtong siyudad sa Region 10 nga nakadawat niini nga pasidungog sa ikaduhang higayon, nga nagpakita sa padayon nga panag-uban sa lokal nga panggamhanan ug DepEd alang sa pagpalambo sa kalidad sa edukasyon ug literacy sa mga estudyante.
Photo courtesy: City Government of Iligan
