Duha ka lalaki ang nadakpan sa gihimong buy-bust operation sa kapulisan sa Purok Bayanihan, Barangay Santa Cruz, Koronadal City, South Cotabato, pasado alas 9:49 sa gabii, Nobyembre 3, 2026.
Ang mga dinakpan giila nga sila si Rodel , 42 anyos, usa ka caretaker ug residente sa Purok 9A, Tupi, South Cotabato, ug Dondee, 35 anyos, residente sa Barangay Nasi, Surallah, South Cotabato.
Sumala sa report sa Koronadal City Police Station, narekober gikan sa mga suspek ang duha ka sachet sa gituohang shabu nga mitimbang og mokabat sa 1.02 gramos ug adunay gibanabanang kantidad nga P4,000. Nakuha usab sa operasyon ang usa ka P500 bill nga gigamit isip buy-bust money.
Gipangulohan ni PLT David J. Alejo ang operasyon, uban ang intelligence operatives sa Koronadal City Police Station ug koordinasyon sa PDEA Region 12.
Gisaksihan usab ang operasyon sa media representative ug mga opisyal sa Barangay Santa Cruz. Mag-atubang ang mga dinakpan og kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Photo courtesy:Koronadal City Police Station
