Patay ang duha ka langyaw human sa usa ka insidente sa swimming pool sa usa ka luxury hotel sa Bengaluru, India, diin gisuspetsahan sa mga otoridad nga posibleng nakuryente ang mga biktima.
Giila ang mga namatay nga usa ka German nga flight crew member ug usa ka Slovak nga business manager. Base sa mga report sa Indian media, giimbestigahan karon sa mga otoridad kon giunsa pagsulod sa kuryente ngadto sa swimming pool sa Conrad Bengaluru Hotel.
Gidala dayon ang duha ka biktima sa Manipal Hospital sa Old Airport Road, apan ang usa gideklarar nga patay pag-abot sa ospital, samtang ang usa namatay human ma-admit sa emergency department tungod sa cardiac arrest.
Sa pahayag sa management sa hotel nga dakong kasubo ang pagkamatay sa duha ka bisita ug mipasalig nga hingpit silang makigtambayayong sa imbestigasyon sa mga otoridad. Nagpadayon pa ang pagsusi aron matino ang eksaktong hinungdan sa maong insidente.
Photo courtesy: indianexpress
