Boluntaryong gitugyan sa mga tag-iya ang tulo ka kalibre .45 nga pistola nga paso na ang rehistro, lakip ang upat ka empty magazine ug napulo ka buhing bala, atol sa OPLAN KATOK nga gipahigayon sa 1205th Maneuver Company sa Regional Mobile Force Battalion 12 o RMFB 12 niadtong nakalabay nga adlaw.
Kabahin kini sa gipakusgang kampanya sa kapulisan batok sa mga loose firearms isip kabahin sa Simultaneous Anti-Criminality Law Enforcement Operations o SACLEO.
Gipangulohan ang kalihokan ubos sa pagdumala ni PCPT Leon P. Siringan Jr., Officer-in-Charge sa 1205th Maneuver Company.
Tumong sa maong operasyon nga mapugngan ang paggamit sa mga armas nga walay balidong rehistro sa mga kriminal nga kalihokan, mapanalipdan ang katawhan ug mapadayon ang kalinaw ug kahusay sa komunidad.
Photo courtesy: RMFB 12
