Arestado ang Bana nga giingong gigapos ang iyang asawa og tape aron dili magsamok-samok sa iyang patan-aw og football.
Giila kini nga si Terry Ward, 64 anyos nga taga Richmond, Virginia. Subay sa report sa kapulisan, nasikop kini human giingong gipapilitan og tape ang iyang asawa sa usa ka lingkuranan ug gibiyaan kini sa silong sa ilang balay.
Saysay pa sa asawa sa suspek nga gigapos siya sulod sa 30 hangtod 45 minutos ug namatikdan sa kapulisan nga adunay mga marka sa nahibiling residue sa tape sa iyang mga bukton.
Tungod sa maong seryusong krimen gidakop si Ward ug nag-atubang sa kasong felony abduction ug misdemeanor assault. Sa pagkakaron, posibleng mu-atubang sa korte si Ward karung umaabot nga Nobyembre 10, 2026.
Photo courtesy: Wild Heart
