Gustong bawion sa usa ka doktor nga bana sa Amerika ang iyang gidonar nga kidney ngadto sa iyang asawa human sila magdiborsyo.
Niadtong 2001, gidonar ni Dr. Richard Batista, usa ka vascular surgeon sa Long Island, ang usa sa iyang kidney ngadto sa iyang asawa nga si Dawnell, human kini magkaproblema sa kidney. Naluwas ang kinabuhi sa iyang asawa tungod sa transplant.
Apan upat ka tuig ang milabay, nag-file og divorce si Dawnell. Tungod sa ilang gubot nga panagbulag, nangayo si Batista nga ibalik sa iyang asawa ang kidney nga iyang gidonar. Kon dili kini mahimo, gusto niya og bayad nga one point five million dollars!
Apan sa korte, gisalikway ang iyang hangyo. Matod sa hukom, ang kidney nga gidonar usa ka regalo, dili kabtangan nga mahimong bawion o bahinon human sa diborsyo.
Mao nga klaro ang leksiyon ani: kung maghatag kag regalo, siguroha nga andam kang dili na kini mabawi. Kay basin pati kidney, pangayoon pa gyud nimo og balik.
Photo courtesy: instagram
