Nasikop sa kapulisan ang usa ka 70 anyos nga babaye nga gikiha tungod sa giingong pagpalsipikar sa publikong dokumento atol sa pagpatuman sa warrant of arrest sa Barangay Looc, Dakbayan sa Danao niadtong nakalabay nga adlaw.
Gipahigayon ang operasyon sa Intelligence/Warrant Server sa Danao City Police Station human magpagawas og warrant of arrest ang Municipal Trial Court in Cities o MTCC sa Seventh Judicial Region, Danao City. Gipasakaan kini og piyansa nga nagkantidad og 36 mil pesos.
Gipasiugda ni Cebu Police Provincial Office Director PCOL Abubakar Udang Mangelen Jr. nga importante ang makanunayong pagpatuman sa mga warrant of arrest aron masiguro ang tulubagon sa mga nalambigit ug mapatigbabaw ang balaod.
Photo Courtesy: PNP Cebu Police Provincial Office
