Nakasakmit ang Zamboanga del Norte Police Provincial Office o ZNPPO og 67.5 gramos nga gituohang shabu nga nagkantidad og kapin P459k ug nadakpan ang pulo ka indibidwal nga nalambigit sa ilegal nga droga atol sa ilang operasyon gikan Oktubre 26 hangtod Nobyembre 1, 2026.
Base sa weekly operational accomplishment sa ZNPPO, napahigayon ang napulo ka anti-illegal drug operations pinaagi sa Provincial Drug Enforcement Unit, Dipolog City Police Station, ug mga municipal police station sa Polanco, Sibutad, Katipunan, Sindangan, Liloy, Labason ug Sirawai.
Gidayeg ni PCOL Reydante E. Ariza, Provincial Director sa ZNPPO, ang dedikasyon, pagbantay ug koordinasyon sa mga personahe nga nakatampo sa maong kalampusan sa kampanya batok ilegal nga droga ug sa pagpanalipod sa katawhan.
Gipasalig sa ZNPPO nga mas pakusgan pa ang ilang mga operasyon subay sa panawagan nga “Bagong PNP para sa Bagong Pilipinas: Serbisyong Mabilis, Tapat at Nararamdaman.”
Photo Courtesy: Zamboanga del Norte Police Provincial Office
