Mitaliwan na ang komedyanteng si Gil Aducal Morales, nga mas nailhan sa pasundayag isip Ate Gay, niadtong Domingo, Nobyembre 1, sa edad nga 55, human sa maisugong pakigbisog batok sa kanser.
Gikumpirma sa iyang pamilya ang makasulub-ong balita pinaagi sa social media. Sumala sa pamilya, malinawon siyang namatay nga gilibotan sa iyang mga minahal sa kinabuhi.
Nagpasalamat usab sila sa tanang naghatag og pag-ampo, pinansyal nga tabang ug suporta atol sa iyang pagpakigbisog sa sakit.
Nahinumdoman usab si Ate Gay sa iyang living funeral niadtong Oktubre 15, diin gihatagan siya og higayon nga madungog ug mabati ang gugma ug pagpasalamat sa iyang pamilya ug mga higala samtang buhi pa. Wala pa magpagawas ang pamilya sa detalye sa iyang haya ug lubong.
Photo courtesy: IMDB
