Gidakop sa kapolisan ang usa ka 26-anyos nga lalaki nga wanted sa non-bailable nga kaso sa droga sa Sitio Campagong, Barangay Poblacion, Badian, Sugbo.
Atol sa pagpatuman sa warrant of arrest sa Badian Municipal Police Station Tracker Team, gidakop usab ang 28-anyos nga igsoon sa suspek human giingong gipugngan niini ang mga pulis sa pag-aresto sa iyang igsoon.
Ang unang suspek giatubang sa kaso tungod sa paglapas sa Section 5, Article II sa RA 9165 o Comprehensive Dangerous Drugs Act, samtang ang iyang igsoon kasohan sa paglapas sa Presidential Decree 1829 o Obstruction of Justice.
Gihingusgan ni Cebu Police Provincial Office Director PCOL Abubakar Udang Mangelen Jr. nga dili tugotan sa kapolisan ang bisan unsang buhat nga makababag sa pagpatuman sa balaod ug hustisya.
Photo Courtesy: PNP Cebu Police Provincial Office
