Nanawagan ang National Food Authority (NFA) sa mga Pilipinong mag-uuma nga padayon nga moduol sa ilang mga opisina aron ibaligya ang ilang ani nga humay tungod sa maayong presyo sa pagpalit sa gobyerno.
Matud ni NFA Administrator Larry Lacson, dili lamang makabenepisyo ang mga mag-uuma sa maayong presyo, makatabang usab sila sa pagpalig-on sa buffer stock o reserbang bugas sa nasud.
Gipahibalo usab ni Lacson nga abli gihapon ang mga bodega sa NFA ug nanginahanglan pa ang gobyerno og dugang nga suplay sa palay.
Kabahin kini sa pagpangandam sa nasud sa posibleng epekto sa umaabot nga Super El Niño aron masiguro nga adunay igong reserbang bugas nga ikatubag sa panginahanglan sa katawhan.
Photo courtesy:PNA
