Patay ang isa ka 29-anyos nga security guard nga taga-Lebak, Sultan Kudarat, matapos ginluthang sa ulo sang wala pa makilal-an nga suspetsado sa isa ka 7-Eleven store sa Barangay Sagbat, Morong, Rizal, alas kwatro sang kaagahon, Nobyembre 3, 2026.
Ginkilala ang biktima nga si Benzar Unos, nga suno sa report, ginsita ang suspetsado samtang ginahimo sini ang pagpangawat sa tindahan. Nakuha sang suspetsado ang yara sa P5,000.00 nga kwarta sang establisemento antes nagpalagyo pakadto sa direksyon sang Tanay-Teresa.
Sa pagkakaron, padayon ang imbestigasyon sang mga otoridad, samtang ginapreparar ang mga dokumento para sa pagpauli sang bangkay sang biktima sa iya pamilya sa Lebak, Sultan Kudarat.
