Gidagsa sa daghang turista ug mga bisita ang sikat nga Enchanted River sa lungsod sa Hinatuan, Surigao del Sur, atol sa selebrasyon sa Undas 2026. Daghang bisita ang midagsa sa maong tourist destination aron maglingaw-lingaw ug magpahimulos sa ilang bakasyon.
Samtang, aron masiguro ang kaluwasan sa publiko, nagbutang ang lokal nga kagamhanan og Public Assistance Desk alang sa dali nga paghatag og tabang sa mga turista panahon sa emerhensiya.
Gideploy usab ang mga medical personnel, Philippine National Police (PNP), Philippine Coast Guard (PCG), barangay tanod ug Municipal Disaster Risk Reduction and Management Office (MDRRMO) personnel aron maghatag og seguridad, motabang sa publiko ug mosanong sa posibleng emerhensiya.
Gipunting sa maong mga lakang ang pagsiguro sa kaluwasan ug kahapsay sa mga turista nga mobisita sa Enchanted River atol sa Undas 2026.
Photo courtesy: Municipality of Hinatuan
