Nakapagkit sang Zero crime incident ang Sultan Kudarat Police Provincial Office ukon SKPPO sa tatlo ka adlaw nga pag-obserbar sang UNDAS 2026, halin Oktubre 31 tubtob Nobyembre 2, 2026.
Suno sa Sultan Kudarat PPO, malinong kag hapsay nga gindumdom sang mga pumuluyo ang Undas sa 12 ka banwa sang probinsya, sa tunga sang hugot nga seguridad sang kapulisan.
Na-deploy ang mga pulis sa mga sementeryo, simbahan, highway, bus terminals kag iban pa nga lugar nga madamo ang tawo. Ginpabakod man ang mobile patrols kag checkpoints agud mapabilin ang kalinong kag kahapsay sang trapiko.
Nagpasalamat ang Sultan Kudarat PPO sa mga lokal nga opisyal kag partner agencies nga nagbulig sa pagpatuman sang seguridad sa probinsya.
