Giilisan na sa Department of Labor and Employment o DOLE ang kanhing 1349 hotline pinaagi sa bag-ong Hotline 15/30, nga magamit sa mga trabahante nga nanginahanglan og tabang ug nag-atubang og mga problema may kalabotan sa ilang trabaho.
Matud ni Labor Secretary Francis Tolentino, ang bag-ong hotline mag-operate 24 oras kada adlaw ug magsilbi sa mga trabahante sa tibuok nasud. Pinaagi sa pag-dial sa 15/30, adunay personnel nga andam motubag sa mga pangutana, kabalaka ug reklamo sa mga trabahante.
Gikuha ang ngalan sa hotline gikan sa petsang 15 ug 30 sa matag bulan, diin kasagarang madawat sa mga empleyado ang ilang sweldo.
Samtang, nakigtambayayong ang DOLE sa Technical Education and Skills Development Authority o TESDA aron ma-refer sa hustong ahensya ang mga concern nga sakop sa serbisyo sa TESDA.
Photo courtesy: DOLE
