Gikoronahang Grand Champion ang Tribu Euzkara sa 34th Pintaflores Festival 2026, samtang misungkit sa first runner-up ang Tribu Busilak human sa kompetisyon sa street dancing.
Gawas sa kampeonato, gidaog usab sa Tribu Euzkara ang lima ka minor awards, lakip ang Best CatSuit, Best in Musicality, Best Video Support, Best Choreography ug Best Human Flower Formation. Nakuha usab sa Tribu Busilak ang Best in Floral Face Painting, samtang gihatagan og Best in Costume ang Tribu Sinpillians ug Best Ritual ang Tribu Bagnao Uno.
Sa kinatibuk-ang resulta, misunod sa Tribu Busilak ang Tribu Sinpillians isip second runner-up, Tribu Sumilaw isip third runner-up, Lumad Sipawaynon isip fourth runner-up ug Tribu Bagnao Uno isip fifth runner-up.
Gipakita sa unom ka tribu ang ilang talento, pagkamamugnaon ug gugma sa kultura pinaagi sa mabulukong mga costume, street dancing ug mga presentasyon nga maoy naghatag og kinabuhi sa selebrasyon.
