Nasikop sa kapulisan ang 69-anyos nga lalaki nga giklasipikar isip ikaduhang Most Wanted Person sa municipal level tungod sa kasong Qualified Theft atol sa manhunt operation sa Sitio Mabanban, Barangay Canggabo, La Libertad, Negros Oriental niadtong Huwebes, Nobyembre 5, 2026.
Sumala sa Negros Oriental Police Provincial Office (NOrPPO), nadakpan ang akusado sa tracker team sa La Libertad Municipal Police Station pinaagi sa pagserbe sa mandamiento de arresto nga giisyu sa Regional Trial Court Branch 64 sa Guihulngan City niadtong Oktubre 28, 2026.
Gitakda sa korte ang piyansang ₱30,000 alang sa temporaryong kagawasan sa akusado ubos sa Article 310 sa Revised Penal Code.
Sa pagkakaron, anaa na siya sa kustodiya sa La Libertad Municipal Police Station alang sa tukmang legal nga proseso.
Photo courtesy: NegOr Newsbite Today
