Nanawagan ang City Social Welfare and Development Office (CSWDO) sa mga ginikanan o paryente sa usa ka bag-ong panganak nga batang babaye nga nakit-an sulod sa usa ka siradong nitso sa Public Cemetery sa Tuburan District, Pagadian City. Nasayran nga ang bata nadiskobrehan sa usa ka lalaki human madunggan niini ang kusog nga hilak sa bata niadto pang Oktubre 27, 2026.
Nadiskubrehan usab nga wala pa maputol ang pusod ug giputos sa pula nga panapton ang bata nga naluwas ra usab dayon ug nadala sa ospital aron mahatagan og medikal nga pag-atiman.
Niadtong Oktubre 28, pormal kining giturn-over sa mga opisyal sa Barangay Tuburan ngadto sa CSWDO alang sa padayong pag-atiman ug pagproseso sa foundling case.
Giawhag ang bisan kinsa nga adunay impormasyon o paryente sa bata nga mokontak sa Pagadian CSWDO sa 4th Floor, C3 Building, Santiago District, Pagadian City.
Mahimo usab nga motawag kang Social Worker Florida B. Taug-Israel sa 0910-338-2567 o CSWDO Head Evangeline A. Poquita sa 0977-832-9668.
Photo courtesy: CSWDO PAGADIAN
