Magbukas pag-usab ang voter registration sa Commission on Elections (COMELEC) sugod Martes, Nobyembre 10, isip pagpangandam sa 2028 National and Local Elections nga magpadayon hangtod Hulyo 30, 2027.
Mahimong magparehistro ang mga first-time voter, first-time voter, pagpaaktibo sa rehistrasyon, pagpa-insakto sa pangalan ug uban pang personal nga detalye, lakip na ang pagpabalik sa listahan sa botante.
Dawaton ang aplikasyon sa mga opisina sa Election Officer, satellite ug mall registration sites, lakip ang Register Anywhere Program. Gihimo ang rehistrasyon gikan Martes hangtod Sabado ug walay registration matag Domingo, holidays ug Lunes tungod sa work-from-home arrangement nga may kalabotan sa deklarasyon sa State of National Energy Emergency.
Giawhag sa COMELEC ang tanang kwalipikadong Pilipino nga magparehistro aron makabotar sa umaabot nga eleksyon.
Photo courtesy: PNA
