Misupak ang mga Tubo planters sa Bukidnon sa dugang nga pag-export og asukal ngadto sa US tungod sa nagkagrabeng hagit nga giatubang sa lokal nga industriya sa tubo.
Lakip sa ilang mga problema ang peste sa mga tanom, pagsaka sa presyo sa gasolina, epekto sa El Niño ug kamahal sa mga abono ug uban pang farm inputs.
Matud ni Manuel Antonio Zubiri, presidente sa Mindanao Sustainable Sugarcane Agricultural Development Federation (MINFED), kinahanglan unahon ang panginahanglan sa lokal nga merkado ug ang kaayohan sa mga mag-uuma.
Giingon ni Zubiri nga ang sobra nga pag-export mahimong mosangpot sa mas dagkong sugar imports ug makadaot sa panginabuhi sa lokal nga mga mag-uuma.
Samtang, nangayo na ang Sugar Regulatory Administration og dugang panahon aron masusi ang kasamtangang produksyon sa asukal sa nasud sa dili pa mohimo og desisyon sa export commitment.
Photo courtesy: Chinimandi
