Miubos og halos 18 porsiyento ang gidaghanon sa naaning humay sa nasud sa ikatulo nga kwarter sa tuig (Hulyo hangtod Setyembre 2026), diin niabot lamang kini sa 3.08 million metric tons (MT) kumpara sa 3.75 million MT sa miaging tuig.
Sumala sa Department of Agriculture (DA), gilauman na ang maong pagkunhod tungod sa paggamay sa natanoman nga yuta nonot sa taas nga presyo sa abono ug gasolina, kakuwang sa patubig, ug ang pagpanuko sa pipila ka mag-uuma nga mogastos taliwala sa peligro sa hulaw ug El Niño.
Apan gipasalig ni Agriculture Secretary Francisco Tiu Laurel Jr. nga mas andam ug nasangkapan na ang nasud karon sa pag-atubang sa epekto sa El Niño kumpara sa miaging mga katuigan. Aron mapanalipdan ang suplay sa pagkaon ug ang panginabuhian sa mga mag-uuma, nagsumite ang DA og P61.99-bilyones nga aksyon nga plano, diin apil na niini ang P6.2 bilyones nga napagawas na ubos sa UPLIFT Program alang sa subsidy ug tabang panginabuhian.
Nagpadayon usab ang pagpalambo sa suplay sa tubig ug ang pagpaambit sa mga binhi nga mas makasugakod ug lig-on batok sa grabeng kainit.
Photo courtesy: Department of Agriculture
