Padayon nga nagtanyag og libreng Theoretical Driving Course kun TDC seminar ang Land Transportation Office Mati District alang sa mga indibidwal nga nagtinguhang makakuha og Student Permit kun SP.
Ang maong seminar usa sa mga pangunang kinahanglanon sa pagkuha og Student Permit, diin nagtumong nga mahatagan ang mga aplikante og saktong kahibalo bahin sa mga balaod, regulasyon ug responsibilidad sa matag motorista.
Ang maong kalihokan ipahigayon matag Miyerkules, sugod alas 8:00 sa buntag hangtod alas 5:00 sa hapon.
Gipahinumdoman ang mga interesado nga first come, first served ang pagdawat sa mga partisipante, busa giawhag silang moadto og sayo aron masiguro ang ilang pag-apil sa maong libreng seminar.
