Nagpahigayon og inspeksyon si Isabel Municipal Mayor Bennet Pongos sa Plaza ug Galicano N. Ruiz Center niadtong Nobyembre 3, 2026, isip kabahin sa pagpangandam sa lokal nga pangagamhanan alang sa umaabot nga selebrasyon sa Pasko ug Fiesta sa lungsod.
Giubanan ang mayor nila Sangguniang Bayan Members Noel Bong Banaag ug Allan Romero, Municipal Administrator Renadeth Apple Cartagena, Municipal Engineer Samie Galos, ug Architect Berson Mallari Quiambao.
Atol sa pag-inspeksyon, gisusi ang kasamtangang kahimtang sa maong mga pasilidad ug giila ang mga bahin nga nagkinahanglan pa og pag-ayo ug pagpauswag aron masiguro ang kahandam niini alang sa mga kalihokan.
Tumong sa maong inisyatibo nga maseguro ang kahapsay, kaluwasan ug kahimtang sa mga pampublikong pasilidad aron mahimong angay ug komportable nga magamit sa mga residente ug bisita panahon sa umaabot nga mga selebrasyon.
Padayon ang lokal nga pangagamhanan sa pagpatuman sa mga pagpangandam aron masiguro ang hapsay ug malampusong pagpalihok sa mga kalihokan alang sa Pasko ug Fiesta sa Isabel.
Photo courtesy: Municipality Government of Isabel
