Nadakpan sa kapulisan ang usa ka 55-anyos nga lalaki nga giilang si alyas “Jojo,” residente sa Barangay Punta, Ormoc City atol sa gipahigayong operasyon sa kapulisan didto sa brgy. Ipil ning dakbayan kagahapong adlawa.
Atol sa opreasyon, nasikop ang suspek pinasikad sa warrant of arrest na may kalabotan sa paglapas sa Paragraph 4, Rule II sa Traffic Rules and Regulations Ordinance sa Ormoc City o tungod sa paglapas sa lokal nga ordinansa sa trapiko sa dakbayan sa Ormoc nga giisyu niadtong Oktubre 5, 2026. Nagtakda ang korte og rekomendadong piyansa nga mokabat sa ₱3,000 alang sa temporaryong kagawasan sa akusado.
Human sa pagdakop, gipahibalo ang akusado sa hinungdan sa iyang pagdakop ug sa iyang mga katungod ubos sa Miranda Doctrine. Gidala siya sa hedkuwarter sa OCPS6 alang sa dokumentasyon ug hustong legal nga proseso.
Photo courtesy: OCPS6
