Nagpalig-on na og mga lakang ang lokal nga panggamhanan sa Cagayan de Oro aron matabangan ang mga residente nga posibleng maapektuhan pag-ayo sa Super El Niño.
Gipahibalo ni City Information Office Head Jade Adeser nga nagtukod na og task force si Mayor Rolando “Klarex” Uy aron tutokan ang pagpangandam ug pag-atubang sa posibleng epekto sa grabeng kainit ug kakulang sa tubig sa syudad.
Manguna sa task force ang City Disaster Risk Reduction and Management Department, uban ang APOO ug CLENRO. Tumong niini nga masiguro nga maandam ang syudad ug mahatagan og tabang ang mga komunidad nga labing maapektuhan sa hulaw.
Gipasabot sa LGU nga andam ang syudad sa pag-atubang sa mga hagit nga dala sa Super El Niño.
Photo courtesy: Cagayan de Oro City Information Office
