Nagpadayag sa hugot nga pagsupak ang minority group sa Cagayan de Oro City Council sa pagpabalik sa ordinansa nga daan ng gisuspende sa sayong bulan ning tuiga nga may kalabutan sa paghatag og incentives sa mga purok leaders o focal person.
Subay sa Purok Development Program Ordinance of 2024, makadawat ang mga purok leader og P3,000 nga insentibo apan sa bulan sa Enero ning tuiga, gisuspende kini nga ordinansa tungod sa daghan pang angay nga tubagon ug iplastar nga legal concerns.
Dakong pangutana nilang Konsehal Yvy Emano, Aga Suan ug Imee Rose Moreno nganong wala miagi sa committee meeting ang planong pagpabalik sa ordinansa may kalabutan sa insentibo sa mga purok leader. Gane, walay klarong tubag kung na-address na ba ang mga legal issue sa ordinansa rason nga kini gisuspende.
Matud pa ni Konsehal Morena, ni wala silay nadawatang report or findings gikan sa City Legal ug Local Finance kung aduna bay legalidad ang paghatag og tres mil pesos nga insentibo. Dili sab klaro kung kinsay nagapunting sa nahisgutang mga purok leader o kung unsay sistema sa pagpili sa ilaha.
Dugang pa sa minority nga kinahanglan unta kini og makuti nga pagtuon ug diskusyon labi pa nga milyon-milyon ang gigahin niini nga ordinansa nga angay mahibal-an sa katawhan kung nagamit ba sa sakto.
Photo courtesy: CdeO City Council
