Gitutokan sa Valencia City Health Office ang ilang disease surveillance ug community health response pinaagi sa serye nga case investigations sa natala nga mga kaso sa chickenpox ug scabies sa nagkadaiyang barangay ug tunghaan niaging Oktubre 2026.
Sa pakigtambayayong sa Epidemiology, Disease Surveillance and Response (EDSR) Division ug City Epidemiology and Surveillance Unit (CESU), nilusad og aksyon ang mga health workers sa Barangay Kahaponan, Barangay Colonia, ug mga eskwelahan sa Barangay Poblacion ug Lilingayon diin 30 ka estudyante ang adunay scabies aron masusi ang mga kaso, makapanghatag og libreng tambal ug sulfur soap, ug mapugngan ang pagpakatap sa maong mga sakit sa pamanit.
Ang maong inisyatibo gipahigayon ubos sa suporta ni City Mayor Amie Galario ug City Vice Mayor Greizl Galario-Fernandez, sa pagdumala ni City Health Officer Atty. Michael E. Escalante, MD, ug sa panginguna sa EDSR Division Chief nga si Myra Diane A. Valero, RN.
Gidasig sa CHO ang publiko, ilabina ang mga ginikanan ug magtutudlo, nga magpabilin nga magmatngon ug magtinabangay pinaagi sa pagsunod sa saktong personal hygiene, pag-isolate sa mga adunay sintomas, ug pagpangita og sayong konsultasyon sa doktor aron siguron ang dali nga pag-ayo ug kaluwasan sa tibuok komunidad.
Photo courtesy: Valencia City Health Office
