Gisaksihan sa LGU-Maramag ang paglusad sa Orientation on the Bahaginan Documentation Process niadtong Nobyembre 4, 2026, sa pakigtambayayong sa DILG Region X, DILG-Bukidnon, ug pagagamhanang probinsyal aron idokumento ang ilang malampuson nga e-Mapping Digitization Program.
Sumala ni Maryanne Rose S. Bacud LGOO V sa DILG – Bukidnon nagtumong ang maong programa sa DILG sa paghan-ay ug pagpakaylap sa mga epektibong pamaagi sa pangagamhanan aron mahimong sumbanan ug masundog sa uban pang mga lokal nga kagamhanan
Gipasabot ni Niño Amor G. Labio, Tax Mapper sa LGU – Maramag nga pinaagi sa maong inisyatiba sa Municipal Assessor’s Office, gigamit sa LGU ang digital AutoCAD ug satellite maps aron mas paspas ug dali nga mapamatud-an ang mga impormasyon sa kabtangan sa mga taxpayers sa nagkalain-laing barangay sama sa North Poblacion
Gidayeg sa DILG ang maong -Mapping Digitization Program sa LGU Maramag isip usa ka “best practice” tungod kay dako kini og natabang sa pagpataas sa transparency, accountability, ug sa kalidad sa serbisyo publiko sa tibuok nasod
Photo courtesy: DILG – Bukidnon
