Nasakmit sa kapulisan ang gibanabanang 72 gramos nga gituohang shabu nga nagkantidad og ₱489,600 atol sa hiniusang buy-bust operation sa Purok 15, Ideal, Barangay Bago Aplaya, Davao City, niadtong nakalabay nga adlaw.
Nadakpan sa operasyon ang usa ka giilang drug peddler nga alyas “Bai,” pinaagi sa mga operatiba sa Police Station 17 (Baliok) nga gipangulohan ni PMAJ Fil Anthony D. Manlatican, kauban ang 2nd CMFC ug sa koordinasyon sa PDEA Region XI.
Gidayeg ni DCPO City Director PCOL Peter Bauzon Madria ang mga operatiba tungod sa malampusong operasyon, ug gipasalig nga magpadayon ang Davao City Police Office sa intelihensiya-based nga operasyon batok sa ilegal nga droga aron mapadayon ang kalinaw ug kaluwasan sa Davao City.
Photo courtesy: DCPO
