Gidasig sa Pag-IBIG Fund Nabunturan ang mga miyembro nga interesado sa pagkuha og housing loan nga mangandam sa mga gikinahanglang dokumento ug requirements, ilabi na sa umaabot nga Housing Fair Expo sa SM Davao sa Nobyembre 12 hangtod 13.
Matod ni Virgilio Ramirez, Sales and Customer Support Assistant sa Pag-IBIG Nabunturan, tumong sa ilang pagpahibalo nga matabangan ang mga miyembro sa pagsabot sa proseso ug mga kinahanglanon sa pag-avail sa housing loan.
Gipasabot usab niya nga dili lamang limitado sa mga adunay pormal nga trabaho ang makapahimulos niini. Apil usab ang mga drayber sa traysikol, kargador sa merkado ug uban pang self-employed nga miyembro, basta adunay regular nga tinubdan sa kita ug makatuman sa mga requirements sa Pag-IBIG.
