Apektado ang labing menos 18 ka biyahe sa eroplano ang sunod-sunod nga bomb threats nga nadawat sa nagkadaiyang airport sa Europe karong semanaha, nga miresulta sa mga delay ug kanselasyon sa pipila ka flights.
Lakip sa mga naapektuhan ang mga biyahe sa Rome, Prague ug Poland. Aduna usab mga eroplano nga gi-eskortan sa mga fighter jets samtang gipailalom sa hugot nga inspeksiyon tungod sa hulga sa bomba.
Apan, base sa gihimong pagsusi, walay nakit-ang eksplosibo o bisan unsang kahina-hinalang kagamitan sulod sa mga eroplano. Niadtong Martes, labing menos pito pa ka flights ang nakadawat sa susamang hulga, apan wala usab makit-i og bisan unsang pampasabog.
Nagpadayon ang hugot nga pagbantay ug seguridad sa mga airport aron masiguro ang kaluwasan sa mga pasahero ug mga airlines crews.
Photo courtesy: PBS
