Patay ang usa ka Indian tourist samtang tulo pa ang samaron human nagbanggaay ang duha ka helicopter sa Pheriche, Solukhumbu District sa Nepal. Giila ang namatay nga si Vasanth Kumar Balaramudu, nga sakay sa helicopter sa Fishtail Air.
Nahitabo ang aksidente pasado alas-8:00 sa buntag samtang dungan nga misulay og landing ang duha ka helicopter ug nagbanggaay ang ilang mga rotor blade.
Lakip sa tulo ka nasamaran ang usa ka turista nga taga-New Zealand ug ang duha ka piloto sa maong mga helicopter. Gidala dayon sila sa Kathmandu alang sa tukmang medikal nga pag-atiman. Padayon pang giimbestigahan sa mga otoridad ang insidente aron matino ang hinungdan sa maong aksidente.
Photo courtesy: The logical Indian
