Nadakpan sa kapulisan ang duha ka gituohang drug personalities nga giilang sila alyas “Pongal,” 29 anyos, ulitawo ug walay trabaho, residente sa Sitio Tabugokon, Barangay Liloan; ug “Junjun,” 49 anyos, minyo ug walay trabaho, residente sa Block 19, Row 1, Tzu Chi Village, Barangay Liloan, Ormoc City, atol sa gipahigayong buy-bust operation didto sa Block 19, Row 1, Tzu Chi Village, Barangay Liloan, Ormoc City niadtong nakalabay nga adlaw.
Nakuha gikan sa ilang posisyon ug kontrol ang 12 ka heat-sealed transparent plastic sachet nga adunay puti nga kristal nga substansiya nga gituohang shabu, nga may kinatibuk-ang gibug-aton nga 1.74 gramos ug gibanabanang kantidad nga ₱11,832, base sa Dangerous Drugs Board (DDB) valuation.
Lakip usab sa mga nakumpiskar ang usa ka pirasong ₱500 nga buy-bust money, usa ka maroon nga coin purse ug usa ka plastik nga botelya. Gipahibalo ang duha ka suspek sa hinungdan sa ilang pagkadakop ug sa ilang mga katungod ubos sa Miranda Doctrine, gamit ang pinulongang ilang nasabtan.
Samtang, gidala sila sa OCPS3 alang sa dokumentasyon ug hustong pagproseso sa dili pa itugyan ngadto sa may hurisdiksiyong korte.
PHOTO COURTESY:OCPS 3
