Nadakpan sa mga kapulisan sa Albuera Municipal Police Station (MPS) ang usa ka giila nga Street-Level Individual (SLI)nga giila sa alyas nga “Ryan,” 42 anyos, minyo, panday ug residente sa Barangay Damulaan atol sa buy-bust operation sa Barangay Damulaan, Albuera, Leyte niadtong Oktubre 30, 2026. Ang operasyon gipahigayon sa ilawom sa pagdumala ni PCOL Celerino M. Sacro Jr., Provincial Director sa Leyte Police Provincial Office (LPPO), ug ni PMAJ Emiliano M. Camama, Acting Chief of Police sa Albuera MPS.
Atol sa operasyon, narekober sa operasyon ang upat ka heat-sealed transparent plastic sachet nga adunay puti nga kristal nga substansiya nga gituohang shabu, usa ka medium-sized nga plastic container, usa ka pouch ug buy-bust money. Ang gituohang ilegal nga droga adunay kinatibuk-ang gibug-aton nga gibana-banang 0.58 gramos ug gibanabanang kantidad nga ₱3,944. Ang tanang nasakmit nga mga butang gimarkahan, giimbentaryo ug gidokumento mismo sa lugar sa pagkadakop atubangan sa suspetsado, usa ka opisyal sa barangay ug representante sa media.
Gidala ang suspetsado ug ang mga nakuhang ebidensiya sa Albuera MPS alang sa dokumentasyon ug hustong disposisyon. Gihatod usab sa Ormoc Forensic Unit ang mga nasakmit nga gidudahang droga alang sa kwalitatibo ug kwantitatibong eksaminasyon. Giandam ang pagpasaka sa tukmang mga kaso tungod sa gituohang paglapas sa Sections 5 ug 11, Article II sa Republic Act No. 9165 o Comprehensive Dangerous Drugs Act of 2002, atubangan sa tukmang Prosecutor’s Office.
Photo courtesy: PNP LPPO
