Aktibong miapil ug naghatag og seguridad ang mga personahe sa Cateel Municipal Police Station atol sa pagpahigayon sa Nagkakaisang Lingkod-Bayan ng Davao Oriental Barangay Outreach Caravan kun NLD-BOC sa Barangay Maglahus ug Barangay Aragon, Cateel, Davao Oriental, niadtong nakalabay nga adlaw.
Ang paghatag ug seguridad gipangunahan ni PMAJ Romie L. Baintin, Acting Chief of Police sa Cateel MPS, isip kabahin sa ilang suporta sa maong inisyatiba nga gipangulohan sa Gobernador ning probinsiya.
Atol sa maong kalihokan, naghatag usab ang kapulisan og nagkalainlaing serbisyo sama sa libreng pagkaon og lugaw, pag-apod-apod og tsinelas alang sa mga nanginahanglan, libreng serbisyo sa gupit ug pagproseso sa police clearance.
Gipasalig usab sa Cateel MPS nga padayon nilang suportahan ang mga programa nga nagtumong sa pagpalig-on sa panaghiusa, pagpalambo sa kalinaw ug pagsiguro sa kaluwasan ug kaayohan sa katawhan sa Davao Oriental.
Photo courtesy: Cateel MPS
