Gipakusgan sa Lokal nga Kagamhanan sa Malaybalay ang suporta sa probinsyal nga sektor sa agrikultura pinaagi sa pagpatuman og ₱1.5 milyong proyekto nga nagtumong sa pagpalig-on sa malungtarong pag-uma ug pagpanalipod sa mga bakilid nga yuta batok sa pagkabanlas ug pagkahurot sa sustansya sa tulo ka barangay sa siyudad.
Ang maong inisyatibo, nga gipangulohan sa City Agriculture Office (CAgO) pinaagi sa High Value Crops Development Program (HVCDP) ug gipondohan sa LDRRMF, nagsuporta sa pagpatuman sa SALT Ordinance No. 1044, Series of 2024. Pinaagi sa paghatag og de-kalidad nga mga seedlings sa kahoy nga mamunga ug abono, tumong niini ang pagtukod og Natural Vegetative Strips (NVS) ug contour lines aron mapugngan ang soil erosion samtang nagahatag og dugang nga panginabuhian sa 70 ka benepisyaryong mag-uuma.
Pormal nga gipahigayon ang Social Preparation ug Ceremonial Turnover Program niaging bulan sa Oktubre 2026 ngadto sa mga mag-uuma gikan sa Barangay Sinanglanan, Barangay Apo Macote, ug San Martin
Gipahimangnoan ni Acting Assistant City Agriculturist Lilianne A. Obre ang mga benepisyaryo nga imintinar ang mga seedlings aron masiguro ang padayon nga katambok sa yuta ug malungtarong kapaburan taliwala sa hulga sa climate change.
Photo courtesy: LGU Malaybalay City
