Naka-record ang Bureau of Fire Protection (BFP) Bukidnon og 11 ka insidente sa sunog sa tibuok probinsya sa bulan sa Oktubre 2026, nga miresulta sa gibanabanang danyos nga mokabat sa ₱22,608,050.
Sa usa ka eksklusibong pakighinabi sa Juander Radyo Malaybalay kang SFO2 Marvin Talibong, OIC sa Intelligence and Investigation Section sa BFP Bukidnon, iyang gipasabot nga bisan gamay ra ang gidaghanon sa insidente, dako ang nakuhang danyos tungod sa sunog nga miigo sa usa ka dakong estruktura sa Busco Sugar Milling Company.
Base sa inisyal nga imbestigasyon sa BFP, overloading sa kuryente ang natumbok nga hinungdan sa sunog sa Talakag, samtang faulty electrical connection usab ang sa Valencia City. Sa Pangantucan, usa ka rubbish fire ang nakadakop ug miabot sa usa ka estruktura, samtang cooking-related fire naman ang natala sa Malaybalay City.
Sa kasamtangan, padayon pa ang gihimong imbestigasyon sa BFP Bukidnon sa ubang mga insidente aron matino ang kompletong resulta ug ang gyud nga hinungdan sa maong mga pag-ulbo sa kalayo.
Photo courtesy: BFP – Bukidnon
