Nakabenipisyo ang 92 ka magtutungha gikan Kindergarten hangtod Grade 6 sa Silay Elementary School sa Barangay Malengen, Libungan, atol sa pagpahigayon sa Project Angel Tree. Gipang-apod-apod kanila ang bugas, mga bag ug school supplies aron makatabang sa ilang panginahanglan sa pag-eskwela.
Gipangulohan ni Libungan Mayor Angel Rose “Apol” L. Cuan, CE, ang maong inisyatiba uban sila Municipal IPMR Emerjell Humabad ug PESO Manager Eddie Vicente.
Tumong sa programa nga dili lamang mahatagan og materyal nga tabang ang mga bata, kondili mapalig-on usab ang ilang kadasig ug paglaom nga makapadayon sa pagtuon ug makab-ot ang ilang mga pangandoy
Photo courtesy: Mayor Apol Lumanlan-Cuan
