Patay ang 53-anyos nga driver sa motorsiklo human nakatagbo og trahedya sa dalan ug nadumbolan sa usa ka pickup truck sa National Highway sa Purok 1, Camp 1, Maramag, Bukidnon, niadtong nakalabay nga adlaw.
Base sa imbestigasyon sa kapulisan, nagbiyahe ang usa ka Toyota Hilux gikan sa Maramag Proper paingon unta sa Don Carlos sa dihang kalit nga milabang gikan sa pikas linya ang itom nga Bajaj nga motorsiklo nga gimanehoan sa biktima, diin nabanggaan ug naguyod pa sa kini gibanabanang 35 metros nga gilay-on gikan sa point of impact.
Gidali pagdala ang driver sa motorsiklo sa Bukidnon Provincial Hospital (BPH) sa Maramag aron matambalan, apan gideklarang Dead on Arrival (DOA) sa attending physician tungod sa grabeng kadaot ug internal chest injuries nga naangkon.
Sa karon, ang 28-anyos nga driver sa pickup truck uban sa nalambigit nga sakyanan nakakostuidya na sa Maramag Municipal Police Station alang sa saktong disposisyon ug dugang nga imbestigasyon.
Photo courtesy: Maramag Municipal Police Station
