Mi-resign sa iyang posisyon si Paraguayan President Santiago Peña niadtong Huwebes human sa krisis nga nalambigit sa Ueno Bank, diin minilyon ka kliyente ang dili makakuha o maka-access sa ilang kuwarta.
Gisugdan na usab ang impeachment proceedings batok sa presidente human mosumite og reklamo ang 35 ka magbabalaod gikan sa oposisyon ug pipila ka miyembro sa iyang kaugalingong partido. Lakip sa mga alegasyon batok kaniya ang seryosong pagpasagad sa iyang mga katungdanan. Anaa na karon sa Kongreso ang desisyon kung dawaton ba o isalikway ang iyang pagbiya sa puwesto. Si Peña naglingkod isip presidente sukad Agosto 2023 alang sa lima ka tuig nga termino.
Gilauman nga mopuli kaniya si Bise Presidente Pedro Alliana isip bag-ong pangulo sa nasud. Matikdan nga mibisita si Peña sa Pilipinas niadtong Mayo 11–12, 2026, diin gihisgotan sa duha ka lider ang pagpalapad sa kooperasyon sa natad sa patigayon, pamuhunan, agrikultura ug seguridad sa pagkaon.
Photo courtesy:Wikipedia
