Gisentensiyahan og 10 ka tuig nga pagkabilanggo si Joshua Wong, usa sa mga nag-una sa kalihukang demokrasya sa Hong Kong, tungod sa pakigkunsabo sa mga langyaw nga pwersa ubos sa National Security Law sa siyudad.
Si Wong usa sa gatusan ka aktibista ug ordinaryong residente nga gidakop sukad ipatuman ang balaod niadtong 2020, human sa dagkong protesta batok sa nagkadakong kontrol sa Beijing. Matud sa mga kritiko, gigamit kini aron pahilomon ang pagsupak, samtang giingon sa mga awtoridad nga gikinahanglan kini aron mapadayon ang kalig-on.
Unom na ka tuig nga nabilanggo si Wong ug unta makagawas sa Enero. Apan, dugangan pa kini og 10 ka tuig nga pagkabilanggo. Duha ka bulan ug duha ka adlaw sa bag-ong sentensiya ang iapil sa iyang kasamtangang silot.
Matud sa mga piskal, nakigkunsabo si Wong ug ubang aktibista, lakip si Nathan Law nga nagpuyo sa gawas sa nasod, sa pagpangayo og mga silot ug blockade gikan sa langyaw nga mga nasod batok sa Beijing niadtong Hulyo hangtod Nobyembre 2020.
Gikondena sa Human Rights Watch ang sentensiya, nga gihulagway niini nga “mapintas ug dili makiangayon.” Apan, giingon ni Hong Kong Chief Executive John Lee nga si Wong ug Law maoy mga nag-unang responsable sa pagdaot sa kalig-on ug kauswagan sa Hong Kong.
Photo Courtesy: NPR
