Nadakpan ang usa ka suspetsadong nalambigit sa ilegal nga droga atol sa buy-bust operation sa Barangay Mambaling, Cebu City. Gipahigayon ang operasyon sa City Drug Enforcement Unit (CDEU) sa Cebu City Police Office (CCPO), ubos sa pagpangulo ni PCOL Ricky C. Sumalde, isip kabahin sa gihingusgan nga kampanya batok sa ilegal nga droga.
Nasakmit ang 11 ka pakete sa gidudahang shabu nga mitimbang og 12.01 gramos ug adunay gibanabanang kantidad nga ₱81,668. Narekober usab ang duha ka ₱100 nga buy-bust money ug usa ka plastik nga sudlanan.
Giatubang sa suspetsado ang kasong paglapas sa Sections 5 ug 11 sa RA 9165 o Comprehensive Dangerous Drugs Act of 2002. Temporaryo kining gipabilin sa Police Station 11 Custodial Facility samtang nagpaabot sa hustong pagdumala sa kaso.
Gipasalig ni Sumalde nga padayon nilang pakusgon ang operasyon batok sa ilegal nga droga aron mapanalipdan ang mga kabatan-onan, pamilya ug komunidad.
Photo Courtesy: PNP Cebu City Police Office
